नाशिक

दोन वर्षांतच कोट्यवधींचा रस्ता खड्ड्यात

पावसाने वाढवली दुरवस्था; ठेकेदारांवर कारवाईची मागणी

सिन्नर : प्रतिनिधी
कोट्यवधी रुपये खर्चून उभारलेला सिन्नर शहराबाहेरील देवी रोड-आयटीआय-नायगाव हा महत्त्वाचा रस्ता अवघ्या दोन वर्षांतच खड्डेमय झाल्याने नागरिकांमध्ये संतापाची भावना व्यक्त होत आहे. ठिकठिकाणी डांबर उखडून रस्ता खचल्याने वाहनचालकांना जीव धोक्यात घालून प्रवास करावा लागत असून, पावसाळ्यात ही परिस्थिती आणखी बिकट बनली आहे. त्यामुळे रस्त्याच्या निकृष्ट दर्जाच्या कामाचा मुद्दा पुन्हा ऐरणीवर आला आहे.
सिन्नर शहरासह परिसरातील अनेक गावांना जोडणार्‍या या मार्गावरून दररोज हजारो नागरिक, विद्यार्थी, शेतकरी, कामगार आणि मालवाहू वाहने प्रवास करतात. मात्र, मोठमोठ्या खड्ड्यांमुळे वाहतूक मंदावली असून दुचाकीस्वारांना अक्षरशः कसरत करत मार्ग काढावा लागत आहे. पावसाचे पाणी खड्ड्यांमध्ये साचत असल्याने त्यांचा अंदाज न आल्याने घसरून पडण्याच्या घटना वाढल्या आहेत. रात्री अपुर्‍या प्रकाशामुळे अपघाताचा धोका आणखी वाढत असल्याचे नागरिकांनी सांगितले.
रस्त्याच्या दुरवस्थेमुळे वाहनांचे नुकसान होत असून दुरुस्तीवर अतिरिक्त खर्च करावा लागत आहे. शाळा-कॉलेजमध्ये जाणारे विद्यार्थी तसेच अत्यावश्यक सेवांसाठी प्रवास करणार्‍यांनाही रोजच या समस्येचा सामना करावा लागत आहे. एखादी मोठी दुर्घटना घडण्यापूर्वी प्रशासनाने कायमस्वरूपी उपाययोजना करावी, अशी मागणी नागरिकांनी केली आहे.
नगर परिषदेने केवळ खड्डे बुजविण्यापुरती मलमपट्टी न करता संपूर्ण रस्त्याची दर्जेदार दुरुस्ती करावी.
तसेच कामाची गुणवत्ता तपासून संबंधित ठेकेदार आणि जबाबदार अधिकार्‍यांची चौकशी करून कारवाई करावी, अशी मागणीही जोर धरू लागली आहे.

रस्त्याची तातडीने दुरुस्ती करू

नागरिकांच्या सोयीसाठी अंदाजपत्रकापेक्षा अधिक लांबीचा रस्ता तयार करण्यात आला होता. या रस्त्याचा दुरुस्ती कालावधी संपला असून नगरपालिकेच्या माध्यमातून तातडीने दुरुस्ती करण्यात येईल, अशी माहिती नगरपरिषदेचे बांधकाम अभियंता सौरभ गायकवाड यांनी दिली.

 

Road worth crores riddled with potholes within just two years.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

चहाच्या पिशव्यांमधून सूक्ष्म प्लास्टिकचे कण!

- डॉ. किशोर पवार उकळत्या पाण्यात केवळ तीन मिनिटे ठेवलेल्या चहाच्या पिशवीतून (टी बॅग) सुमारे…

11 hours ago

ताम्रपटातील प्राचीन नाशिक

- रमेश पडवळ - चेतन राजापूरकर नाशिकचा प्राचीन इतिहास केवळ मंदिरे, लेणी आणि शिलालेखांपुरता मर्यादित…

11 hours ago

महागाईचे विष!

- सीमाताई मराठे अर्थशास्त्र हे केवळ आकड्यांचे खेळ नसते, तर ते सामान्य माणसाच्या ताटातील भाकरीचे…

11 hours ago

सोनिया गांधींचे पुस्तक यशस्वी

- राजेश शिरभाते काँग्रेस पक्षाच्या माजी अध्यक्ष, खासदार, माजी पंतप्रधान राजीव गांधी यांच्या पत्नी, इंदिरा…

12 hours ago

दिवाळी संपली; पुढे काय?

- अशोक थोरात दुष्काळ, जीवघेणी महागाई यात दिवाळी तर संपली, पण पुढील सहा महिने सर्वांनाच…

12 hours ago

विद्यार्थी : समाजाच्या उज्ज्वल भविष्याचे शिल्पकार

विद्यार्थी हा कोणत्याही राष्ट्राच्या सामाजिक, आर्थिक, सांस्कृतिक आणि बौद्धिक विकासाचा महत्त्वपूर्ण आधार असतो. राष्ट्राचे भविष्य…

12 hours ago