एकांत

– आशा नवले
माणसांनी नेहमी एकटेपणा बरोबर मैत्री करावी. म्हणजे त्याला कशाचे दुःख होत नाही. एकटे असताना माणूस अनेकदा स्वताशीच बोलत असतो. तोच असतो वक्ता आणि तोच असतो श्रोता. तोच असतो परीक्षक आणि तोच असतो परीक्षार्थी. माणसात किती राहणे आवडली तरी प्रत्येकाला एकांत प्रिय असतो.मग काही वेळा साठी असो नाही तर कायमचा. प्रत्येकाची एकटे राहण्याची कारण वेगवेगळी असतात. म्हणून एकटा राहणार माणूस हा माणूस घाणा असतो असे नाही. प्रत्येक व्यक्ती ही त्याच्या आजूबाजूला असलेल्या वाता वरणा नुसार घडत जाते. जन्मापासून अनेक गोष्टीचा सामना करत असतो. त्यातून त्याचे रूप समाजाला दिसत असते. पण न दिसणारे एक रूप प्रत्येकाचे असते. ते फक्त आणि फक्त त्या व्यक्तीला स्वतःलाच माहिती असते. एकटे असताना ते त्याला आवडते. कोणता नकली मुखवटा धारण न करता तो जसा आहे तसा स्वतः समोर येतो म्हणून माणसाला एकांत आवडतो. मन दुःखी आहे पण चारचौघात रडता येत नाही म्हणून बंद पापण्या आड तो अश्रू लपवतो. पण तोच एकटा असताना ओक्साबोक्शी रडतो. कोणी मन दुखावले त्याला जाब विचारता येत नाही मग स्वतःच स्वताला प्रश्न करत राहतो. त्याचे उत्तर स्वतःच शोधतो. म्हणून एकांतसुद्धा छान मित्रच असतो.

Solitude

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.