करंजवण धरणात युवकाचा बुडून मृत्यू

दिंडोरी : प्रतिनिधी
करंजवण धरणात पोहण्यासाठी गेलेल्या करंजवण येथील साई संदिप मोरे (16) या युवकाचा पाण्यात बुडून मृत्यू झाला. या दुर्दैवी घटनेने परिसरात हळहळ व्यक्त होत आहे. करंजवण येथील नुकतेच इयत्ता दहावीची परीक्षा दिलेला शालेय विद्यार्थी साई संदिप मोरे हा करंजवण धरणात पोहण्यासाठी गेला असता पाण्याचा अंदाज न आल्याने बुडून मृत्यू झाला. स्थनिक नागरिकाच्या मदतीने सुमारे अडीच तासाने बुडालेल्या साईला बाहेर काढण्यात यश आले आहे. उन्हाळा असल्याने दुपारच्या सुमारास परिसरातील अनेक युवक आंघोळीसाठी धरणावर आले होते.जास्त गर्दी असल्याने साई पाण्यात बुडाला ही बाब कुणाच्याही लक्षात आली नाही. उशिराने लक्षात आले. मात्र, तोपर्यंत उशीर झाला होता. या दुर्दैवी घटनेमुळे परिसरात हळहळ व्यक्त होत आहे.