नाशिक

दोन मित्रांचा प्रवास ठरला अखेरचा! छोटा हत्तीच्या धडकेत दोघांचा मृत्यू

सिन्नर : प्रतिनिधी
पांढुर्ली-विंचूर दळवी शिवरस्त्यावर भरधाव छोटा हत्ती मालवाहू टेम्पोने दुचाकीला जोरदार धडक दिल्याने झालेल्या भीषण अपघातात आकाश पवार आणि शुभम भोईर या 21 वर्षीय तरुणांचा मृत्यू झाला. तर प्रसाद वाघ गंभीर जखमी झाला. या घटनेने विंचूर दळवी परिसरात हळहळ व्यक्त
होत आहे. हा अपघात 8 नोव्हेंबर रोजी सायंकाळी 6.40 वाजेच्या सुमारास विंचूर दळवी शिवारात घडला. मखमलाबाद (नाशिक) येथील जितेश धर्मा सोनकांबळे हा टाटा एस गोल्ड छोटा हत्ती (एमएच 15 जे डब्ल्यू 4170) घेऊन पांढुर्लीहून विंचूर दळवीच्या दिशेने जात होता. यावेळी भरधाव वेगात वाहन चालवताना रस्त्याच्या परिस्थितीकडे दुर्लक्ष केल्याने त्याच्या टेम्पोची समोरून येणार्‍या हिरो स्प्लेंडर दुचाकीला (एमएच 15 जीयू 9272) जोरदार धडक बसली. धडकेची तीव्रता इतकी होती की, दुचाकीवरील तिन्ही तरुण गंभीर जखमी झाले. आकाश भाऊसाहेब पवार (21) आणि शुभम शिवराम भोईर (21) यांचा या अपघातात मृत्यू झाला. तर प्रसाद रुंजा वाघ (20, रा. विंचूर दळवी) हा गंभीर जखमी झाला. अपघातात दोन्ही वाहनांचेही मोठे नुकसान झाले.
याप्रकरणी जखमी प्रसाद वाघ यांच्या फिर्यादीवरून टेम्पोचालक जितेश सोनकांबळे याच्याविरुद्ध सिन्नर पोलिस ठाण्यात भारतीय न्यायसंहिता आणि मोटार वाहन कायद्यानुसार विविध कलमांन्वये गुन्हा दाखल करण्यात आला आहे.

A journey taken by two friends proves to be their last! Both die after being struck by a ‘Chhota Hathi’ (mini-truck).

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

दिवे उजळले, पण श्वास कोंडला!

- अश्विनी पांडे निसर्गाची मुक्त उधळण, आल्हाददायी हवामान, हिरवळ आणि तुलनेने शुद्ध हवा ही नाशिकची…

16 hours ago

सभागृहातील सत्तेच्या विकेंद्रीकरणाला ‘ब्रेक’!

- गोरख काळे येत्या महासभेत स्वीकृत नगरसेवकांच्या नियुक्तीचा सोपस्कार पार पडणार असून, महापौर हिमगौरी आहेर-आडके…

16 hours ago

‘धरती आबा’ बिरसा मुंडा

अन्यायाविरुद्ध पेटलेला स्वाभिमानाचा अग्निकुंड! - ग्रीष्मा नागमोती ज्या भूमीवर पिढ्यान्पिढ्या वास्तव्य केले, ज्या जंगलांनी जगण्याचा…

16 hours ago

संकटातून संधीकडे…

दुष्काळावर मात करणारा जलसंधारणाचा ’पेठ पॅटर्न’ - देवयानी सोनार यंदा पावसाची अवकृपा झाल्याने नाशिक जिल्ह्यातील…

16 hours ago

दिवाळीतील एक्यूआय समजून घेऊया…

सध्या एक्यूआय अर्थातच ’एअर क्लॉलिटी इंडेक्स’ आणि त्यावरील आकडेमोड मीडियातील सर्वांत महत्त्वाची बातमी बनवून राहिली…

16 hours ago

इस्रायली सत्तासंघर्ष

आशिया खंडातील पश्चिम भागात असलेला इस्रायल हा एक छोटा देश आहे. पॅलेस्टाइनवरील ब्रिटिश राजवट संपुष्टात…

16 hours ago