राष्ट्रीय/आंतरराष्ट्रीय

भारतीयांना थेट ग्रीन कार्ड देणारे विधेयक अमेरिकी संसदेत

’इमिग्रेशन अ‍ॅक्ट 1929’ सुधारणा विधेयक मांडले गेल्यास एच-1 बी व्हिसाधारकांना फायदा

वॉशिंग्टन/नवी दिल्ली 
अमेरिकेतील डेमोक्रॅटिक पक्षाचे सिनेटर्स आणि खासदार अ‍ॅलेक्स पाडिला यांनी ‘रिन्यूइंग इमिग्रेशन प्रोव्हिजन ऑफ द इमिग्रेशन क्ट 1929’ हे विधेयक लवकरात लवकर संमत करण्याचा आग्रह धरला आहे. सध्याच्या अमेरिकन कायद्यानुसार, 1 जानेवारी 1972 पूर्वीपासून अमेरिकेत वास्तव्यास असणार्‍यांनाच ‘रजिस्ट्री’ नियमांतर्गत ग्रीन कार्ड (कायमचे रहिवासी पद) मिळते. या विधेयकाद्वारे ही 50 वर्षांहून अधिक जुनी स्थिर तारीख रद्द करून ‘7 वर्षांचे निरंतर वास्तव’ ही नवी अट लागू करण्याचा प्रस्ताव मांडण्यात आला आहे.
हे विधेयक मंजूर झाल्यास रोजगारावर आधारित ग्रीन कार्डच्या प्रदीर्घ वेटिंग लिस्ट आणि प्रति-देश 7% मर्यादा या चक्रव्यूहात अडकलेल्या हजारो भारतीय एच-1बी व्हिसाधारकांना मोठा दिलासा मिळणार आहे. सध्याच्या नियमांमुळे हजारो कुशल भारतीय तंत्रज्ञ आणि आयटी व्यावसायिकांना ग्रीन कार्डसाठी अनेक दशके वाट पहावी लागत आहे. जर या विधेयकाचे कायद्यात रूपांतर झाले तर अमेरिकेत सलग 7 वर्षे कायदेशीर किंवा अनधिकृतपणे राहणारे व्यावसायिक थेट ग्रीन कार्डसाठी पात्र ठरतील आणि त्यांचा रोजगार-आधारित बॅकलॉगचा मार्ग टळेल. तथापि, अमेरिकन संसदेत (काँग्रेस) हे विधेयक संमत होणे अत्यंत आव्हानात्मक मानले जात आहे. रिपब्लिकन पक्षाचे बहुसंख्य खासदार या विधेयकाला विरोध करत असून, त्यांनी याला ‘माफी योजना’ असे संबोधले आहे. हे विधेयक मंजूर झाल्यास लाखो भारतीयांचे अमेरिकेतील राहणीमान आणि स्थैर्य पूर्णपणे बदलू शकते.

भारतीय आयटी व्यावसायिकांना लाभ
या प्रस्तावित बदलाचा फायदा केवळ एच-1बी व्हिसाधारकांनाच नव्हे, तर ’ड्रीमर’ तात्पुरते संरक्षण मिळालेले नागरिक (टीपीएस होल्डर्स) आणि व्हिसाधारकांची अमेरिकेतच लहानाची मोठी झालेली मुले (डॉक्युमेंटेड ड्रीमर्स) यांनाही मिळणार आहे. अंदाजे 80 लाखांहून अधिक स्थलांतरितांना या कायद्याचा फायदा होऊ शकतो. रोजगार-आधारित प्रक्रियेतील नोकरी बदलण्यावरील बंधने आणि कुटुंबाच्या अनिश्चित भविष्यापासून यामुळे भारतीय आयटी व्यावसायिकांची सुटका होऊ शकते.

 

Bill granting direct Green Cards to Indians introduced in US Congress.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago