‘समता’ पतसंस्था व्यवहार प्रकरण : प्रतिभा चाकणकर यांना समन्स

शिर्डी : प्रतिनिधी
बहुचर्चित अशोक खरात आर्थिक घोटाळा प्रकरणात आता राज्य महिला आयोगाच्या अध्यक्षा रूपाली चाकणकर यांच्या भगिनी प्रतिभा चाकणकर यांच्या अडचणीत वाढ झाली आहे. ’समता नागरी सहकारी पतसंस्थे’तील संशयास्पद व्यवहारांची चौकशी करण्यासाठी शिर्डी पोलिसांनी त्यांना अधिकृत नोटीस बजावली आहे.
पोलीस तपासात समोर आलेल्या माहितीनुसार, समता पतसंस्थेत प्रतिभा चाकणकर यांच्या नावे दोन आणि त्यांच्या मुलांच्या नावे दोन, अशी एकूण चार खाती असून त्यातून गेल्या काही काळात तब्बल 2 कोटी 40 लाख रुपयांचे आर्थिक व्यवहार झाले आहेत. या व्यवहारांचा स्रोत आणि अशोक खरात यांच्याशी असलेल्या संबंधांबाबत विचारपूस करण्यासाठी त्यांना 7 दिवसांच्या आत चौकशीला हजर राहण्याचे आदेश देण्यात आले आहेत.
या प्रकरणातील व्याप्ती मोठी असून सिन्नरच्या जगदंबा पतसंस्थेतील खात्यांचीही नाशिक पोलिसांकडून स्वतंत्र चौकशी सुरू आहे.

‘Samata’ credit union transaction case: Summons to Pratibha Chakankar