२९ वर्षीय युवकाच्या खुनाचा प्रयत्न,युवक गंभीर जखमी

२९ वर्षीय युवकाच्या खुनाचा प्रयत्न,युवक गंभीर जखमी

लासलगाव प्रतिनिधी

खेडलेझुंगे येथील सोमठाणे त्रिफुली येथे दि.१ जुलै सायंकाळी ५ वाजेच्या सुमारास कृष्णा उर्फ किशोर रामभाऊ धोक्रट, वय २९ वर्ष, रा. सोमठाणे याच्यावर ७ युवकांनी हल्ला करीत गंभीर जखमी केले असून त्याची प्रकृती गंभीर असून याबाबत आरोपींच्या विरोधात काल लासलगाव पोलीस ठाण्यात गुन्हा दाखल करण्यात येऊन आरोपींना अटक करण्यात आली आहे.

याबाबत फिर्यादी संतोष रामभाऊ धोक्रट वय ३२ सोमठाणे ता.सिन्नर यांनी आपल्या फिर्यादीत, सचिन गोविंद कोकाटे, रा.सोमठाणे ता.सिन्नर, राहुल उर्फ डोम्या सुभाष आहेर, विकास उर्फ विकी सोमनाथ गायकवाड व इतर अनोळखी ४ इसम यांनी गैरकायद्याची मंडळी जमवुन फिर्यादीचा भाऊ कृष्णा उर्फ किशोर रामभाऊ धोक्रट यास फिर्यादीची भाची व तिच्या पतीच्या झालेल्या वादाचे कारणावरुन आरोपी सचिन कोकाटे याने कट कारस्थान करुन गैरकायद्याची मंडळी जमवून आरोपी राहुल आहेर याने हातातील कोयत्याने कृष्णा धोक्रट याचे पोटावर, खांद्यावर वार करुन आपखुशीने गंभीर दुखापत केली तसेच आरोपी विकास गायकवाड याने हातातील लाकडी काठीने कृष्णा याचे डोक्यावर, कानाजवळ जोरात मारुन दुखापत केली.

इतर चार अनोळखी आरोपींपैकी एकाने राहुल आहेर याचे हातातील कोयता घेवुन जखमी कृष्णा याचे डोक्यात मारला व इतर तीन अनोळखी इसमांनी कृष्णास लाथा बुक्यांनी मारहाण करुन तेथून पळुन गेले अशी फिर्याद दिली आहे. त्यांच्या फिर्यादीवरून रजि.न.१६८/२०२४ भा.न्या.सं. २०२३ चे कलम १०९,१८९(२), १८९(४),१९१(२),१९१( ३),१९०,६१(२ ) (अ),११८(१)३५२,३५१(२) (३),३५१(४) प्रमाणे आरोपींच्या विरोधात गुन्हा दाखल करण्यात येऊन आरोपींना अटक करण्यात आली आहे. घटनेची माहिती कळताच निफाड पोलीस उपविभागीय अधिकारी निलेश पालवे, सपोनि भास्कर शिंदे यांनी घटनास्थळी भेट दिली