अपघाताचा रस्ता बंद होता; मनपाचा दावा

सुरक्षेची उपाययोजनाही केलेली, सीसीटीव्ही तपासणार
नाशिक : प्रतिनिधी
सिद्धार्थनगर येथे घडलेली अपघाताची घटना दुर्दैवी आहे आणि दुःखद आहे. मात्र, सिद्धार्थनगर येथे ज्या परिसरात अपघाताची घटना घडली त्या ठिकाणी रस्ता बंद करण्यात येऊन पाइपलाइन टाकण्याचे काम सुरू आहे.
रस्त्यात पाइप टाकलेला असला तरी त्याला सुरक्षितता म्हणून रिफ्लेक्टर लावून दक्षता घेण्यात आलेली आहे. अपघातग्रस्त गाडीची परिस्थिती बघितल्यानंतर एक गोष्ट प्रकर्षाने लक्षात येते की गाडी प्रचंड भरधाव वेगाने होती. सदर रस्त्याचे काम सुरू आहे. त्या ठिकाणी इतकी भरधाव वेगाने गाडी कशी चालवली गेली? सदर ठिकाणी 50 मीटर अंतरावर रस्ता बंद असल्याबाबत आवश्यक सूचना लावलेली आहे. सदर घडलेल्या घटनेबाबत लगतच्या परिसरातील सीसीटीव्ही फुटेज प्राप्त करण्याची कारवाई सुरू आहे.
सदर रस्त्यावर सर्व लाईट सुरू असूनदेखील सदर दुचाकी अतिशय वेगाने धडकली आहे. सदर व्यक्तीचा पोस्टमार्टेम रिपोर्ट प्रतीक्षेत आहे. तरीही संबंधित घटनेची चौकशी करून यात दोषी असणार्‍यांवर कारवाई केली जाईल. पाणीपुरवठा विभागाचे अधीक्षक अभियंता रवींद्र धारणकर यांनी म्हटले आहे.

The road was closed.